Madaxweynaha Soomaaliya, Mudane Xasan Sheekh Maxamuud, ayaa bogaadin iyo hambalyo u diray shacabka Jabuuti iyo madaxweynahooda, Mudane Ismaaciil Cumar Geelle, maanta oo ah maalinta xuska sannad-guurka 47-aad ee ka soo wareegtay markii ay xoriyadii ku qaadatay dalkaas.
Madaxweyne Xasan ayaa ku tilmaamay maalintan oo ay tahay mid aad uga weyn dowladda iyo shacabka Jabuuti, isagoo xusay in shacabka Jabuuti ay yihiin kuwo aad ugu adkaatay inay heli doonaan xorriyadooda, waxaana ay ka mid yihiin dalalka Afrika ee horumarka iyo koboca u horseeda.
Madaxweynaha ayaa sidoo kale ku dheeraaday in Soomaaliya iyo Jabuuti ay wadaagaan xiriir aad u xoog badan oo saldhig u ah iskaashi iyo wada-shaqeynta labada dal. Waxaa uu ku bogaadiyay hambalyooyinka xuska 47-aad ee gobonimada Jabuuti, isagoo rajeynaya in sanadaha soo socda ay ku soo beegi doonaan horumar iyo nabadgelyo joogto ah.
Dhinaca kale, Madaxweynaha Jabuuti Mudane Ismaaciil Cumar Geelle ayaa u mahadceliyay madaxweynaha Soomaaliya iyo shacabka Soomaaliyeed hambalyada ay u soo dirayaan maalintan muhiimka ah, waxaana uu tilmaamay inay sii xoogeysan doonaan xiriirka iyo iskaashiga labada dal.
Ugu dambeyn, Madaxweynaha Soomaaliya ayaa rajeynaya in xuska sannad-guurka 47-aad ee gobonimada Jabuuti ay noqoto mid ku kooban farxad, nabad iyo horumar.